طالبان: عناصر داعش از تاجیکستان و پاکستان وارد افغانستان می‌شوند

به گزارش دفتر منطقه‌ای خبرگزاری تسنیم، «محمد یعقوب مجاهد» وزیر دفاع و رئیس کمیسیون امور امنیتی حکومت طالبان گفت که اتباع تاجیکستانی و پاکستانی در حملات داعش بر مساجد، خانقاه‌ها، علمای مذهبی و مکان‌های عمومی در افغانستان دست داشته‌اند.

مجاهد در جریان کنفرانس خبری کمیسیون امور امنیتی و ارگان‌های مشترک امنیتی و دفاعی طالبان گفت: بیشتر عناصر داعش، تاجیکستانی و شماری از حملات توسط اتباع پاکستانی صورت گرفته است.

وی افزود شمار زیادی از اتباع تاجیکستانی و پاکستانی در عملیات نیروهای طالبان کشته و شماری هم زنده بازداشت شده‌اند‌.

وزیر دفاع طالبان در ادامه نیز از کشورهای تاجیکستان و پاکستان خواست تا مرزهایشان را کنترل کنند.

مجاهد همچنین تصریح کرد هیئت حاکمه افغانستان به هیچ‌کس اجازه نمی‌دهد از خاک افغانستان علیه دیگران استفاده کند و در این زمینه تدابیر جدی امنیتی اتخاذ کرده است.

انتهای پیام/.